Serchhip, 11th June, 2015 : District Level Committee on Green Mizoram, Serchhip hmalakna in tukin dar 8:30 khan Serchhip DC Conference Hall-ah Green Mizoram Day 2015 pual a inkhawm buatsaih a ni a, Hrangturzo bialtu MLA Pi _ chuan khuallian niin he hun hi a hmanpui.

Green Mizoram Day 2015 puala inkhawma thusawitu khuallian Pi _ chuan thingphun satliah mai bakah a enkawl puitlin lamah pawh tan kan lak a ngai nasa hle a ni a ti a, Green Mizoram day chu mipuite hnena ramngaw tha neih a pawimawh zia hrilh hriat that lehna ni anih ang ngeiin kum tin thu ngai reng sawi a ni thin a, mipuite pawhin kan hrechiang thawkhat tawhin a rinawm a, hei vang hian kan zawm ngei a tul a ni a ti a, thing phun ve theilo leh peihlo kan awm anih pawhin mi phun sa tal hi chu i humhalh pui thin ang u a ti bawk. Pi Awmpuii chuan NLUP kaltlangin ramngaw chereu tur tam tak humhim ani tawh a ni tiin ramngaw humhalh leh ram kang ven that kawnga thahnemngai taka mipuite zirtirna pe thin tu print media leh visual media te chungah lawmthu a sawi bawk a ni.

Serchhip District ah hian kum 1999 atang khan Green Mizoram Day hi hman tan a ni a, District Bawrhsap Chairman na hnuaiah District Level Committee on Green Mizoram, Serchhip din niin Divisional Forest Officer, Thenzawl chu Member- Secretary a ni. Vawiin inkhawmah hian Serchhip District-a Kangmei ven kawnga hma la tha zual thlanchhuah khaw pathum hnenah te, Chanchinbu leh Cable TV kaltlang a Kangmei ven leh ramngaw humhalh lam hawizawng thuchhuah tha ber bakah Green Mizoram Day puala E&F Department leh Serchhip Photographers’ Association ten Photography Competition an buatsaiha a a titha te hnenah Khuallianin lawmman a sem a; lawmman dawng tu te chu :

I. Kangmei Veng leh Ramngaw humhalh tha ber Khua (State-Level Fire Prevention Committee in a thlang):

Dinhmun Khaw Hming Lawmman

Pakhatna Chhingchhip Mualpui Rs. 50,000 + Citation

Pahnihna Thinglian Rs. 30,000 + Citation

Pathumna Lungchhuan Rs. 20,000 + Citation

II. Kangmei Ven leh Ramngaw humhalh Chungchang Zirtirna tichhuak tha ber Chanchinbu :

Dinhmun Chanchinbu Hming Lawmman

Pakhatna Lenkawl Daily Newspaper Rs. 3,000 + Citation

Pahnihna Zothlifim Daily Newspaper Rs. 2,000 + Citation

Pathumna Serchhip Times Daily Newspaper Rs. 1,000 + Citation

III. Cable Network zinga Kangmei Ven leh Ramngaw humhalh Chungchang Zirtirna tichhuak tha ber:

Dinhmun Cable Network Hming Lawmman

Pakhatna Serchhip Cable Network Rs. 3,000 + Citation

Pahnihna TT Vision, Serchhip Rs. 2,000 + Citation

IV. Photography Competition-a titha te :

Dinhmun Hming Lawmman

Pakhatna Richard Zorinsanga, Thenzawl Rs. 3,000 + Citation

Pahnihna Lalthianghlima, Serchhip Rs. 2,000 + Citation

Pathumna R. Vanlalhriata, Serchhip Rs. 1,000 + Citation

“Green Mizoram Day 2015” puala inkhawm hi Pu VL Remliana, Addl. DC, Serchhip-in a kaihruai a, District-Level Committee on Green Mizoram Pu Lallianzuala, DFO, Thenzawl in report pe in, YMA Sub-Headquarters President Pu R.L.Chhuanawma’n thu tawi sawina hun a hmang a, he inkhawmah hian PCR High School zirlaite leh zirtirtute bakah tlawmngai pawl hrang hrang te, sawrkar hnathawk te an tel tha hle a ni.

Green Mizoram Day pual inkhawm neih zawh anih hnu hian Serchhip Zawlpui phai panna kawngah leh Kawlri tlanga Eklavya School compound-ah Khuallian Pi _ hovin Sawrkar Department hrang hrang a thawk te, Sub-Headquarters YMA Serchhip leh Serchhip District MJA member- ten ten thingphun hnatlang hi an nei a. Thingphun hnatlang a thawkchhuak te hi Group hrang hrang 33 ah thendarh niin an thingphunna hmun tur uluk taka ruahman fel sak vek an ni a; heng thingphun tur thing tiak leh a hungna tur pal te hi Divisional Forest Officer, Thenzawl leh a thawhpui ten a a hnumah an dah vek a, thing tiak 525 phun a ni. Vawiin vek hian Serchhip District chhunga North Vanlaiphai Sub-Division, Thenzawl Sub-Division leh East Lungdar RD Block ah te Green Mizoram Day hi urhsun taka hman a ni bawk.

Source: DIPR, Serchhip